कोरोना भाइरसको त्रास र डरको छाया हामी सबैको वरपर छाइरहेको छ । यस्तो अवस्था चीनमा अर्को एउटा नयाँ भाइरस देखा परेको समाचार सार्वजनिक भएको छ । उक्त नयाँ भाइरसको नाम हो हन्टा भाइरस । यो खतरनाक भाइरसका कारण चीनमा अहिलेसम्म एक जना व्यक्तिको निधन भएको छ ।
उक्त भाइरसका बारेमा विभिन्न सञ्चार माध्यमहरुमा समाचारहरु प्रकाशित हुन थाले लगत्तै सामाजिक सञ्जालमा समेत यो निकै भाइरल भएको छ । यो समाचारले मानिसहरुलाई त्रसित बनाउने एउटा प्रमुख कारण के हो भने यो भाइरस पनि चीनमा नै देखा परेको छ ।
सञ्चारमाध्यममा समाचार सार्वजनिक भएदेखि नै सामाजिक सञ्जालमा भाइरल भएको हन्टा भाइरस यतिबेला चर्चाको विषय बनेको छ । यो भाइरसको पनि कुनै पनि औषधी नभएको बताइन्छ ।
चिकित्सकहरुले पनि यो भाइरसको विषयमा अहिलेसम्म खुलेर केही पनि बताएका छैनन् । यो बिरामी अर्थात भाइरस मुसाबाट फैलिन्छ ।
कोरोनाको प्रकोप चीनबाट प्रारम्भ भएको थियो र बिस्तारै–बिस्तारै यसले सम्पूर्ण विश्वलाई नै आफ्नो चपेटामा लिएको छ । यसैगरी हन्टाको प्रकोप पनि चीनबाट नै प्रारम्भ भएको छ । यही कारणले गर्दा यो भाइरसप्रति सम्पूर्ण विश्व नै डराएको छ ।
सूत्रका अनुसार यदि यो भाइरस चीनभन्दा बाहिर निस्कियो भने यो कोरोना भाइरसभन्दा पनि खतरनाक सावित हुनेछ ।
अहिले त हरेक व्यक्तिको मुखमा एउटै कुराको चर्चा छ, चीनमा यस प्रकारका जीवजन्तु तथा किटाणुहरु खान रोक्नु पर्छ । अन्यथा सम्पूर्ण विश्व नै यसरी नै समाप्त हुँदै जानेछ । केही व्यक्तिहरुले त चीनलाई नै आइसोलेट गर्ने माग समेत राखेका छन् ।
दक्ष्ँिण एशियामा यसअघि स्वाइन फ्लू तथा बर्ड फ्लूका भाइरसले हरेक वर्ष आफ्नो प्रकोप देखाउँदै आएका थिए । यस्तो अवस्थामा केही महिनाअघि देखि कोरोना भाइरस तथा अहिले आएर हन्टा भाइरस । भरखरै देखिएको हन्टा भाइरस के हो ? यो कसरी फैलिन्छ ? छोटो चर्चा गरौं ।
के हो हन्टा भाइरस ?
हन्टा भाइरस मुसाहरुको कारणले फैलिने भाइरस परिवारकै एउटा सदस्य हो । यसले थुप्रै प्रकारका खतरनाक रोगहरुलाई जन्म दिन सक्छ । जब कुनै मुसाको पिसाव तथा दिशा अथवा ¥याल कुनै व्यक्तिको सम्पर्कमा आउँछ, त्यसपछि यो भाइरस फैलिन्छ । अर्थात कोरोना जस्तै यो पनि हावाबाट फैलिंदैन ।
हन्टा भाइरसका लक्षण
टाउको दुखाई, पेट दुखाई, सास फेर्न गाह्रो हुने, मांशपेशीमा पीडा, थकान, ज्वरो, चीसो लाग्नु, भोमिट हुनु, बेचौन हुनु, उपचार नभएर बिरामी मृत्यु हुनु ।
हन्टा भाइरसबाट बच्ने तरिका
मुसाहरुको संख्या नै कम गर्नु पर्छ । घरमा मुसाहरुको आवागमनलाई रोक्नु पर्छ अथवा बन्द गर्नु पर्छ, ताकि कुनै पनि व्यक्ति मुसाको मल, मुत्र अथवा ¥यालको सम्पर्कमा आउन नसकून । मुसाको प्वाल छ भने त्यसलाई बन्द गर्नु पर्छ ।
यो भाइरस पनि प्लास्टिक अथवा धातुमा लामो समयसम्म जीवित रहन्छ । त्यसैले त्यस्ता सामग्रीहरुको प्रयोगबाट बच्नु पर्छ र फोहोर थुपार्न तथा पानी जम्मा गर्नबाट बच्नु पर्छ ।
घरमा काठ अथवा कबाडीका सामानहरु जम्मा गर्नु हुँदैन, किनभने मुसाले त्यस्ता फोहोरी ठाउँमा प्वाल बनँएर त्यहाँ घुस्न सक्छ ।
यदि तपाईंको घरमा अथवा आसपास कुनै मुसा मरेको छ भने पञ्जा लगाएर त्यो स्थानलाई सफा गर्नु पर्छ र पछि त्यो पञ्जालाई पनि फ्याँकेर हातलाई तातो पानीले २० सेकेण्डभन्दा बढी समय लगाएर एन्टिसेप्टिक साबुनले सफा गर्नु पर्छ ।
घरको वरिपरिका नाली तथा पानी बग्ने स्रोतलाई राम्ररी छोप्नु पर्छ र डीडीटी पाउडर छर्किरहनु पर्छ ।
